Gacsa

Anu elle anim k’amo

Dahabak bilen qaagey

 

Qangoor

Ku asal luuluk abe

Ku data af midaadak abe

Kacanu axce sinni sinam

Ku maqaane yable kalen

 

Yi niyay bagut ma gexin

Heli fayxi bicse kalah

Hela y’afqadoh kacanu

Yi bagih daway yi hela

 

Sayim intih ableemih

Hela m’ansayin yi niyay

Kacanow kak iyyaanam

Amo xeerin weeqaytu

 

Anu sabri Yallal aba

Kacanu abba ceelah aba

Buxa m’anfaqiyyo anu

Hela m’ansayiyyo anu

 

Kok aliliit able qinab

Dawa yok tani’yyeeni

Rabak edde cattiimu

Ku gabat tanim yoh abey

 

Anu koo kasek riiday

Gexu waa gitak badita

Ku qamal kasek riiday

Bari barri xin ma geya